八方收到一個熱心讀者報料，話上星期三晨早六點四十一分，搭雙魚星號回到香港水域，見到「不明飛行物體」（UFO），並且即刻拍低張相畀八方睇。八方問過天文台嘅專家，佢哋話當日無收到UFO報告，翻查過行星資料，亦相信唔係行星嘅影像，因此冇辦法確認相中呢個發光物體係啲乜。
天文台話時不時都會收到市民報料話見到UFO，今個月有一單，今年總共有十五單，上年全年就有十六單。天文台嘅專家話，有啲UFO無法知道係乜，有啲只係飛機飛過後留低嘅水蒸氣喺天空上留下一道白痕；重有啲新界嘅居民，見到深圳射燈造成嘅光圈或光團，以為係天外來客，向當局報告㖭。
（圖）大家覺得紅圈中嘅係乜呢？ 圖片：讀者提供
傳真︰2623-9278
電郵︰