噚日唔少報章都以tom仔買唔成亞洲電視做話題，呢鋪陳永棋做咗大衞，打贏「超人」哥利亞，好多商界人士都驚訝超人失威，而最值得深思嘅係，阿爺喺關鍵時刻，選擇陳永棋同劉長樂，當中有乜微言大義，自不然令到班中環「大孖沙」有無限想像空間！
有愛國愛港商家同八方講，今次超人失手，正如老董慣用講法，應該屬「個別事件」，千萬唔好以為「超人」變「凡人」，如果唔係就應晒江主席嗰句「toosimple、sometimesnaive」！不過佢都承認，超人呢幾年喺老董統治下，固然順風順水，但一樣有唔少閒言閒語。相信阿爺都收唔少，有人都唔想「超人」變「無敵超人」，呢個訊息係相當清楚，今次阿爺出手，免咗特區「老好人」阿董同新上場嘅唐公子難做，算係叫做和氣收場啦！
傳真︰2623-9278
電郵︰