作為香港嘅電視觀眾，其實都好幸福，講緊嘅唔係中文台，而係英文台。兩間電視台都好肯去買一啲高質素嘅節目返嚟播。例如一系列介紹地球生態、動物生活以及人體奧秘嘅特輯，實在好睇過好多大電影，娛樂與教育並重。
有名堂嘅美國電視劇集亦大部份有得播，X-Files、Seinfeld、Friends、ER、ThirdWatch、AllyMcBeal、Practice、Simpson、WestWing，如果冇得睇呢堆劇集，根本等於同西方社會脫咗節。偶像是Seinfeld，每年高踞藝人賺錢榜前列位置，正當盛年便急流勇退，與青春少艾女友享受人生，啲錢相信幾世使唔晒。Simpsons是我的反叛英雄，卡通片能在黃金時段殺出重圍，雖然是卡通片，講的是家庭及社會問題，重要講得好好笑。DavidE.Kelly是AllyMcBeal與Practice的創造者，同是律師法庭片，但風格完全不同，一樣咁好睇，佩服得五體投地。ER是我最心愛的電視劇，若然後生番十零二十年，好可能會因此而去讀醫科，ER一定已經係電視劇中經典中的經典，無可代替。ThirdWatch是ER幕後精英的另一力作，一樣引人入勝。Friends是新一代教材式處境喜劇，三男三女六個人搞嚟搞去搞幾年，每句對白都有笑位，難得的是每位女角都又靚又性感又識做戲，抵收幾百萬美金人工一集。重有一齣SexintheCity，可惜因尺度問題，只能在HBO上看到。
值得大讚的是兩台的中文字幕都翻譯得水準一流，沒有懶好笑或曲解意思，尤其係ER，有威爾斯親王醫院的醫生幫手執筆，實在好有教育意義。謹此向所有翻譯人員，致萬二分敬意。