謝霆鋒昨日沒有到荃灣裁判法院就早前一宗超速駕駛案件應訊，但他下午帶着結他，到好友吳國敬家中作曲。霆鋒近日的靈感很多，在短短一個月已創作了五首歌，霆鋒更謂這些新歌會全留給自己唱。
謝霆鋒昨日沒有到荃灣裁判法院為早前一宗超速駕駛案上庭，由律師代為出庭。霆鋒昨午一時多離開裕景花園寓所，乘坐好友何超儀的保母車，到達吳國敬（阿敬）位於北角雲景道的寓所，霆鋒拿着結他下車，他表示是到阿敬的家一齊作曲，梁漢文在中午時份亦到了阿敬的家。
霆鋒昨日戴着cap帽，一身便服出現，問霆鋒為何不出庭應訊，他說：「唔使上庭。」問霆鋒往阿敬家做甚麼？他說：「我去佢度寫歌。」
由於現場記者追訪着霆鋒，霆鋒說：「呢度係私人地方，好嚟好去。因為海南島打風，我要再度期去拍廣告。」問霆鋒到底何時才正式放假，他又說：「唔好再係咁，好難做。」而台灣則有報道指霆鋒於本月二十五日到台拍電視劇。
當霆鋒到達阿敬的家後，卻見到阿敬駕駛其Audi座駕做柴可夫接載女友、落選女優仲春菲外出，事緣仲春菲在台灣接拍的台劇《含羞草》的製作費出現問題，所以仲春菲便先回港休息。
記者昨日致電阿敬，他說：「今日（即噚日）霆鋒同梁漢文都上嚟我屋企寫歌，我哋三個人合作寫咗一首新歌，梁漢文已經定咗話要呢首歌，佢想將首歌填啲勵志歌詞。另外，我、霆鋒同梁漢文都分別喺呢個月內作咗五、六首歌，尤其霆鋒好似有好多靈感，佢話啲歌全部留畀自己唱喎。」