煲呔訪澳，噚日由墨爾本去到坎培拉，見咗澳洲總理、外長同財長等政界領袖。外長唐納（Downer）捉住佢講紅酒。事關澳洲每年都出口唔少紅酒來港，今年財爺一下子將紅酒稅由百分之六十加到百分之八十，唐納當然牙痛咁聲問煲呔有冇得減少少。
煲呔好坦白咁話香港𠵱家等錢使冇法子。不過少少紅酒稅未至於傷感情，唐納回想九七回歸交接儀式之後嘅慶祝，美國佬杯葛唔出席，澳洲代表則第一個踏入會場。睇番最近澳洲與中國達成咗一個價值二百五十億澳元嘅液態天然氣交易，都係靠一間澳洲律師行香港辦事處幫忙，證明當年佢哋冇睇錯香港。
（圖）曾蔭權與墨爾本市長蘇震西在「香港帶動亞洲步伐」展覽會參觀青馬大橋模型。
傳真︰2623-9278
電郵︰