讀者Gary問：本人之座駕為2000年嘅豐田Corolla（AE110），聽講話呢啲Corolla可以換上Levin（AE111）嘅高性能制動系統，請問若要換上呢類同廠高性能制動器，究竟有何地方要注意呢？
Gary：改換原裝高性能制動系統，係近期不少車迷流行嘅做法，不過好多車換上同廠高性能制動系統後，都會出現腳掣過低嘅情況，有時重要兩腳才有極限嘅制動能力；有呢啲情況出現，都係因為煞車真空鼓嘅問題，由於AE110嘅真空鼓較細，如果換上AE111嘅制動卡鉗的話，真空鼓壓力會唔夠，而高性能制動卡鉗嘅活塞較大，需要用上更多制動油，所以腳掣會顯得較低。若要檢查高性能制動卡鉗係咪啱自己部車的話，可以比較兩部車真空鼓嘅厚度，如果相距太大的話，咁就要連真空鼓一併更換。如果只換真空鼓而又有過敏反應情況出現的話，咁就唔係太適合街道使用喇；另外，如果更換呢種原廠高性能制動器，最好就連迫力油喉一齊更換，咁樣先係最安全嘅做法。
如果大家對汽車有任何問題，可傳真至27420542，或郵寄至香港將軍澳工業邨西駿盈街八號《蘋果日報》副刊「車天車地」版「汽車Q&A」收，我哋會盡快為你哋解答。