趙飛雲冇跌眼鏡，杜指周一晚果然以強勢升穿50日線（現處8851）阻力，收8994。港股噚日受美股帶動，恒指亦升穿雙底頸線，大型橫行區底部阻力10380及守在50日線附近收市，今日若能進一步拋離50日線，則可確認轉強。
不過，股市升跌通常唔會一條直線，而係一浪高於一浪或一浪低於一浪進行，因此短炒選擇入市時機非常重要。
以杜指為例，升破50日線後，阻力變支持，估計在反覆上試9500阻力之餘，亦不時會回頭考驗其支持力，並消化部份獲利貨，替下浪升勢奠定基礎。杜指升軌支持目前處8542，可作為50日線失守後最後防線。
恒指情況亦大致相同，若大幅拋離50日線，短期將反覆上試11000阻力，若能保持50日線不失，當然係利好嘅強勢訊號，退而求其次，調整時能守穩升軌（現處10040）則仍可保持一浪高於一浪的走勢。
整體而言，港股上試萬一點機會大，可趁出現調整時，伺機吸納恒指Call輪9406。
倉內百江燃氣（8132）穩步向上，但上實（363）噚日先高後低，在日線圖出現一支大陰燭，睇番交易紀錄，似係人為嘜價，未知所為何事，若跌穿10日線12.40元則先行離場。
趙飛雲