早陣子，英國越野路華車廠正式推出全新頂級豪華嘅RangeRover車系，我哋《車天車地》版特派記者，亦有幸獲邀到新西蘭作實地試車及報道。
然而，香港代理一直未有新車到港嘅日期及消息，直至最近終於有答案喇！原來佢哋將推出RangeRover嘅檔期，讓咗畀Facelifted新版嘅Discovery車系，而新車重經已響上個周末，跟香港車迷見面㖭！據知，新車除改換上一對跟RangeRover有FamilyLook嘅頭燈組合外，新車設備及配搭亦較前有唔少修飾整備，以求力盡完美嘅要求嘛！至於新車售價跟原有型號無甚差別，車價為$468,000，相信一班LandRover嘅車迷，又會雀躍不已啦！