記者昨日電話聯絡懷有劉鑾雄骨肉的呂麗君，她表示知道大劉召開記者會一事。呂麗君說：「我本來都想出席支持佢，但因為身體有啲不適，同埋要面對住咁多閃光燈驚唔習慣，先至冇去。我好欣賞劉生嘅為人，佢無論對朋友或者對屋企人都盡心盡力。」
問呂麗君可知大劉聘請了一名前女記者入華置工作時，她說：「我知佢請咗一個記者入公司做，絕對唔會因為雜誌嘅任何報道而影響我哋之間嘅信任同關係。」
而昨日在記者會上，問到大劉可知呂麗君有了多少個月身孕？他說：「都好幾個月嘞，已經見咗肚，但我唔想講幾多個月或係仔定女，因為你哋會問完一個問題又一個，呢啲係私隱，你哋可以問，但我唔會答。」問到他再做父親的心情時，大劉說：「話興奮係呃你嘅，但唔開心又梗係唔會，總之我係願意去做。」