二人女子組合Twins將於下月在紅館舉行演唱會，由於反應熱烈，故此加開一場，而Twins的演唱會宣傳海報，近日在港九各地的巴士站燈箱展出，竟然被人偷走。有見及此，Twins昨日特別呼籲歌迷千萬不要以身試法。
英皇二人女子組合Twins，將於下月在紅館舉行處女演唱會，而宣傳海報則張貼在港九各地區，可是Twins太受歡迎，除了吸引她們的歌迷排隊購買演唱會門票外，Twins的海報更遭瘋狂歌迷偷走。Twins所屬的英皇唱片公司，得悉演唱會宣傳海報燈箱被破壞後大為緊張，並立即安排加印海報替代。
Twins的演唱會宣傳海報分別在中環、灣仔和柴灣的巴士站燈箱展出，不過近日有部份海報卻被人打碎玻璃及撬開燈箱偷走。
Twins的成員蔡卓妍（阿Sa）和鍾欣桐（阿嬌）獲悉事件後大為緊張，她們異口同聲勸喻歌迷千萬不要做儍事，因為這是刑事罪行，切勿以身試法。
阿Sa昨日在電話中說：「我真係諗唔到會有人偷我哋啲海報，咁樣做好唔啱，我希望無論佢哋係唔係我啲歌迷都千祈咪做埋呢啲事，一旦俾警方拉到就弊傢伙！」阿嬌亦十分認同阿Sa的講法，她說：「係呀，邊個鍾意我哋都可以循正途。」
而Twins的經理人霍紋希昨日在電話訪問中則說：「公司好重視呢件事，我都呼籲大家真係唔好再去偷海報，因為呢啲海報將會喺Twins演唱會場外有得發售，但幾錢一張就未定價。Twins嘅演唱會定咗喺下個月十三同十四號開兩場，𠵱家公司已決定再為佢哋加開十五號一場，前兩場都已爆滿，加開嗰一場都內部認購得七七八八。」
採訪：比華利