最近政壇最熱門話題，除咗係阿松太有喜之外，唔講吓人口政策又點叫追上潮流呢！八方最近同人講開，今年中一學生少咗好多，原因係九○年出生率下跌，即係話八九年香港人冇努力「造人」！不過咁又唔奇怪，當年大家係電視機睇到「六四」中共用坦克車咁「碌」人都得，真係無謂帶個小朋友來個咁嘅世界。
原來除咗八九年之外，六七年左派暴動、八二年中英談判、同九七回歸後，出生率都係低啲，換句話說，即係凡係時局混亂，就冇人肯生仔，煲呔最近見人就話香港出生率低，即係特區喺老董管治下，離大治重有好遠好遠，香港人又點敢生仔呢？
傳真︰2623-9278
電郵︰