都巿人長期受工作及生活的欺壓，身心疲倦健康大打折扣，各位係時候注意飲食調理身體啦，三餐盡量少油、鹽、糖及味精，多吃纖維及新鮮肉食，米飯以外不忘粥水，皆因它有助養胃生津，不過日頭猛做，邊有閒情煲粥吖？又係喎，咁近近哋去尖沙嘴食碗鮮魚粥伴用料精緻的小食及糖水，補番數。
記者：楊一凡
攝影：陳穎
酥炸三文魚骨$15(右)
以鮮魚作配料粥品未算特別，魚嘴、魚雲、魚膠、魚鰾、魚骨、魚片、魚腩至魚尾，全部都可滾粥，才是重點所在。粥底加有瑤柱及腐竹同熬四小時，軟綿香滑。嘗鮮魚粥不妨叫番碟炸三文魚皮或三文魚骨，這總比油條來得健康有「營」。
楊枝甘露$18(右)
用老陳皮煲紅豆沙，加埋西米及椰果，滴些少椰奶，紅粉美人清潤香滑；楊枝甘露用甜美的菲律賓芒果，榨汁，又揀選高纖的澳洲芒果，切粒，菲澳雙芒聯手，再加美國西柚，好吃得不捨得吞下。
宜昌餃子$25(下)
想不想瘦身也可試試以鮮蘑菇、雲耳、紅蘿蔔及冬菇做餡的即蒸腸粉，餡料爽甜，腸粉皮薄香滑；餃子湯底用鮮魚熬製，半透明的餃子皮包着瑤柱、雞肉、冬菇及時菜等，鮮菜入餡但翠綠依舊，值得一讚。
店名：魚粥館
電話：27362886
地址：尖沙嘴漢口道25至29號宜昌街4號(奇華餅家轉入)