陳女士與三名年幼子女近日獲分配公屋單位，得以改善居住環境及減輕租金負擔。奈何陳女士自丈夫早前因癌病去世後，靠綜援勉強維持家計，實無力應付搬遷的龐大支出，且缺錢為長女及次女訂購新校服。蘋果日報慈善基金即時撥款解困，另於日內安排轉送書枱、洗衣機等物資。
記者日前隨陳女士前往其獲分配的公屋單位，她甫進屋即表示：「呢度地方闊落，最重要環境夠靜，所以我好鍾意呢度，真係好想快啲搬嚟，不過又擔心冇錢搬屋！」
陳女士與丈夫阿生育有三名子女，現年分別九歲、七歲及四歲。阿生原任職護衞員，是家中經濟支柱。豈料阿生早前健康欠佳，未幾病逝，遺下孤兒寡婦頓失依靠。「阿生一向身體好好，點知前排佢精神愈嚟愈差，冇幾耐證實患癌病，重好快就過身。」陳女士黯然說。
年約四十歲的陳女士，目前惟靠綜援勉強維持家計，生活儉樸。「細仔好容易傷風感冒，每個月淨係搭車帶佢去睇醫生都使唔少錢，所以我要慳得就慳，專揀最平嘅瓜菜做餸，好多時煲粥或者煮麫食已經一餐。」
刻下，陳女士正為無力負擔搬往公屋的按金及雜用開支煩惱。「綜援畀我兩個女嘅讀書津貼，唔夠我幫佢哋買過套新校服開學，我重邊有錢負擔新屋嘅水電、煤氣、屋租等幾樣按金，另外要搵人拉電線同裝光管，重要請搬運將啲家具雜物搬去新屋，幾筆開支加埋要好多錢！」
由於經濟緊絀，陳女士欠缺基本家具及電器亦無力添購，「𠵱家屋企用緊張摺枱、上下格床同雪櫃，都係社工幫我搵番嚟，希望遲吓可以添置啲基本家具電器喇。」
按現行條例，社會福利署只會向領取綜援的長者及傷殘人士發放搬遷津貼，故陳女士一家雖然每月獲發租金津貼，但將不獲援助遷居。
蘋果日報慈善基金了解陳女士四口苦況後，即時撥款八千元，助陳女士支付搬屋及兩名女兒的校服費用，另將安排轉送讀者捐出的書枱和洗衣機給她。
捐款編號：C0648
暖流熱線
電話:29908688
傳真:23702192
電郵:
網址：