立法會主席范徐麗泰噚日接受張瑪莉嘅《瑪莉會客室》節目訪問，大談生活藝術同人生觀，可惜係錄音節目，八方同讀者想聽足全場，就要等周日嘞。范太雖然話唔講得內容，但都肯講少少預告。
原來一向打扮樸實嘅范太，同張瑪莉講嘅係女人經，傾吓何謂美。范太眼中嘅美女，係嗰種愈睇愈順眼嘅襟睇型。佢話有啲女仔初次相識冇乜特別，識落先覺個性、思想、行為得人鍾意，都會令人覺得好靚。節目內范太重會同大家分享，與丈夫范尚德三十年夫妻嘅恩愛之道，佢話最緊要係互相支持和欣賞。范太能夠做齊賢妻、良母同立法會主席，真係令人羨慕。
﹙圖﹚唔知范太覺得自己美不美？
傳真︰2623-9278
電郵︰