蘇永康昨日抱恙到佐敦出席新城「新奇士原創KIDS選拔賽」活動，對於昨日有報道指安雅參加狂野派對，並吸索一些白色粉末，蘇永康說：「畀多哋空間佢，情況唔係想像中咁壞，佢只係想relax吓。」
蘇永康表示，現階段積極與妻子回復正常婚姻生活，前日更乘着空檔與太太拍拖。
而譚詠麟昨日在港台亦說：「係唔係角度問題？可能嗰啲係開心粉，大家唔好斷章取義，對安雅唔公平，佢自己應該知道條路點行。」
此外，名模Rosemary早前與安雅十分友好，報道更她與男友亦有出席迷幻派對，Rosemary的母親Julie昨日在電話中說：「據我所知，我個女已經好耐冇見安雅啦，個女最近工作好忙，重邊有咁多時間去玩吖？而且我個女咁大個人有腦㗎嘛，知道有邊啲嘢係唔應該做嘅，不過個女識啲乜嘢朋友，我就唔會干涉佢嘅。」