香港越野路華（LandRover）代理響今個聖誕假期，又會為喜歡攀山涉水嘅車迷帶來一個好節目；皆因佢哋連續六年響神州大地舉辦過LandRoverAdventure越野之旅後，今年會移師到風景迷人，予人有世外桃源仙島美譽嘅新西蘭北島，舉行長達10日嘅NewZealandLandRoverAdventure。日期係12月21日至12月30日，全程長達1,317公里嘅駕車旅遊，包括有長達110公里FarNorth沙灘馳騁，又有機會親臨新西蘭LandRoverExperience越野訓練營，接受專業導師教授攀爬不同難度嘅山道技巧，重會安排團友可自費一嘗出名嘅笨豬跳、噴射快艇、空中連體跳傘等節目，絕對係非一般旅行團所有嘅親身體驗㗎！全程膳食連住宿同觀光，成人收費$9,800，來回機票約$7,000，至於綜合汽車費（包括LandRover越野車租賃、汽車全保、Off-road教練、領航服務、後勤設備及支援、當地銷售稅12.5%等）合共$33,800（一輛）。有興趣嘅朋友不妨致電27605688，向佢哋市場部嘅游小姐查詢。