廣州一家雲吞麵店，有逾半個世紀做麵經驗的老師傅，多年來一直堅持用竹升做全蛋麵。他堅信要做一碗靚麵，由麵質、湯底，以至雲吞的選料和製作都要一絲不苟。這種對一碗只賣三元五角的雲吞麵的誠意和尊重，得到了絡繹不絕的食客們的支持。 北上雜誌組
位於廣州工業大道的榮華麵家，最出名是全蛋雲吞麵，由麵粉開始做起，製麵師傅騎在一條粗大的竹升上，跳起約一公尺高再壓下來，這樣一次又一次彈高跳下地把麵粉反覆搓壓，再放入造麵機切成一條條。
由於整個麵館都是開放式的，食客可以一邊吃麵，一邊透過一面大玻璃，看到竹升麵工藝的整個製作過程，頗為有趣。
談到做雲吞麵數十年的心得，七十四歲的關就說：「一定要老實。我哋做全蛋麵，除咗鴨蛋外，一滴水都唔加。冇咁嘅材料就唔好做，麵粉要靚，唔係落幾多蛋都冇用。」關師傅說，這種製麵方法自四六年採用至今，對於每個細節，關師傅都滾瓜爛熟，他隔着玻璃指着裏面正在用竹升打麵的小師傅說：「佢壓少一次我都知㗎！」
除了麵本身要爽、韌之外，關師傅對雲吞和湯底同樣要求嚴格。他說：「人哋啲湯底求其用豬骨煲，我哋係揀成隻豬最靚嘅脊骨嚟煲，重要成條脊骨攞返嚟喎，你估點解呀？斬斷咗，驚人溝啲雜骨落去嘛！」
榮華麵家的第二代傳人關志榮每天清晨五時起床，親自採購選料，工作到晚上八時才收工。他說：「我𠵱家賣三個半一碗，你行勻廣州市冇我咁好食，咪係咁簡單之嘛，賺少啲錢，自然會旺。材料、工藝、誠實，三樣嘢都好重要。」