最近，外國方面有消息傳出，謂福士車廠正密鑼緊鼓，為旗下Passat車系研製新一代款式，快者重有望於2004年現身㖭。
從預想圖中可以睇到，新車嘅車身線條與早前宣布推出嘅Phaeton豪華房車相似，尤其車首造型就最能將呢個特點展露出來，而闊大尾燈組合，亦能給予尾隨車輛有明確提示。車廂布局亦貫徹原來Passat嘅豪邁氣派，但仍有待廠方公布有關資料後方可作實。另外，廠方亦預算會為新車提供多個引擎配搭選擇，其中包括經過改良嘅2.8及3.2公升V6引擎，動力輸出數值各有不同，以切合不同用家嘅需要。新車快者可於2004年面世，有興趣嘅朋友，就要密切留意確實推出日期喇。