地鐵車門夾親人，地鐵起先死撐咗幾日，到全港各大傳媒差唔多實地試過晒地鐵車門嘅「牙力」，地鐵公關先至亡羊補牢，call齊記者，由公關高層以血肉之軀測試。
今次事件唔止全港市民關心，好多公共機構嘅公關部門都好留意，重做齊事件嘅剪報，當正公關教材咁研究。梗係啦，連地鐵嘅公關部女主管、公司事務經理梁陳智明都要親身測試，夾到手都紅埋，重要話「一啲都唔痛！」
有位任職某大型公共機構嘅公關同八方講，雖然地鐵呢單嘢未至於係「公關災難」，但公關界人士都覺得可以做得更加好，最關鍵就係要及時向公眾公布多啲資料數據釋疑。雖然明知未必平息到風波，都要盡力去做，否則到咗完全無辦法控制公眾輿論嘅時候，就做乜都冇用。
傳真︰2623-9278
電郵︰