噚日係冠軍科技上市十周年，公司冇高調慶祝，只係登吓廣告同埋搵班記者傾吓十年大計。主席兼創辦人簡文樂話，𠵱家大市氣氛唔係咁好，費事俾人話攞景贈興，所以低調處理。八方就覺得佢低調得嚟都幾高調，事關佢自掏腰包喺HERMES訂咗一批以「打吡」為主題嘅絲巾同埋領呔送畀各方友好，上邊除咗有佢個大名外，重有講到佢喺打吡賽威水史；另外又印咗一批有自己嘜頭嘅卡片，用嚟紀念呢個大日子。
全球養咗60隻馬嘅阿Paul又講到佢嘅「人馬論」，佢話𠵱家啲叻人都唔肯生BB，只係比較低收入同埋低下層嘅人先會搏命生；反觀馬，優質馬公一年可以同70隻母馬配種……所以100萬年後一開閘，出現聰明馬去騎人絕對係有可能。
﹙圖﹚簡文樂送HERMES嘅絲巾同埋領呔畀各方友好，慶祝公司上市十周年。
傳真︰2623-9278
電郵︰