早輪，本田代理推出Accord新低價招徠，賣個滿堂紅之餘，亦令唔少同級對手陣腳大亂，而據亞Mark所知，原定計劃再度打入香港市場嘅日產Primera，亦要推遲到港日期，靜觀市場嘅變動嘛！然而，代理方面卻未有因此而稍停下來，事關March陸續到港準備交車之外，早前高調話會引入嘅日產新一代Elgrand豪華MPV，𠵱家代理決定響呢個星期五正式喺Showroom登場。
新款Elgrand較上一代更具現代感同時款外，豪華嘅車廂包裝同陳設，加上雙趟門及天窗組合，而車價則為$408,880，又真係幾有瞄頭噃！據知經已有車迷落訂，有興趣嘅朋友屆時記緊去睇吓喇！