澳門賽馬會向澳門政府申請開設獨立彩池，引入香港賽馬外圍投注活動，幾日黎成為報章頭條。身兼澳門賽馬會主席的「賭王」何鴻燊噚日出席一頒獎禮後，同八方講，咁做法係「因為你（香港政府）迫到我咁做，我唔想咁做，因為直頭係生存嘅空間，我無辦法。」
搞到賭王最㷫的是，港府今年中修訂《賭博條例》禁止香港市民跨境投注，賭王話呢條例嚴重影響他們（澳門賽馬會）的生存空間，「呢條例直情係針對我哋，針對我地，蝕到無法子生存，每一個月蝕千幾萬，我點頂啫，頂唔到呀。」不過，賭王同八方講若能引入香港外圍馬，「咁就無問題，我可以搵番嗰千幾萬，可以維持番啲夥計。」
雖然有報道話澳門政府不批准佢地咁做，但賭王則認為獲批機會好大，「譬如我喺（澳門）特首嘅地位，我都要顧及澳門二千幾人會失業，二千幾個家庭立即無嘢做，顧及這樣都應該會接受（引入香港賽馬外圍投注）。」賭王更說，「我一意孤行，澳門一批准我就開張。」至於可有與香港賽馬會達成共識？賭王就答「邊有法子有共識，我哋同佢溝通任何問題，佢哋都唔『騷』唔睬。我希望幾日後澳門政府有決定，老實講你要我一號開到張，廿五號前應有答覆。」
傳真︰2623-9278
電郵︰