人氣急速上升的日本HipHop組合RIPSLYME，昨晚在九龍灣國際展貿中心開騷。RIPSLYME的大碟《TOKYOCLASSIC》連續兩星期成為Oricon冠軍，打低SMAP及V6的新碟，對此成員RYO-Z謙虛地說：「我哋都冇諗過可以咁受歡迎。」
RIPSLYME五子對香港充滿好奇，下午趁綵排之前先到旺角逛街。五人中除成員ILMARI二十年前曾來港之外，其他成員均是首次訪港。前晚甫來港即冷病的成員PES說：「香港畀我最深刻嘅印象，係啲冷氣好凍！」
近日成為日本多本時裝和潮流雜誌封面人物的RIPSLYME，對流行時裝亦十分留意，眾人路經旺角的波鞋店時，不時指着新款波鞋議論紛紛。後來他們途經玩具店時，更發揮搞笑本色，大擺鬼馬姿勢，五人扮完香港小姐的嬌俏動作後，成員SU忽然抽高波褲，刻意變成「現袋人」，極之抵死。
而被公認最靚仔的成員ILMARI，來港後不斷學習廣東話，到酒樓吃飯時，已懂得對本地的工作人員說：「攞張單嚟，等我埋單，唔該。」ILMARI更搞笑地表示想學LMF講廣東粗口，但他卻說：「我唔會學KinKiKids咁同香港fans講『嫁畀我』，因為我會講得好核突！」
至於有天才音樂人之稱的DJ成員FUMIYA，則無厘頭地說：「如果我再生，最想做濱崎步，因為我鍾意佢對大眼睛同佢化得好靚嘅妝。」
採訪、攝影：張一明