近年，SUV響香港大行其道，其中寶馬X5同平治M-Class，均為車迷熱切追捧；而遲吓明年初，標榜高性能嘅保時捷Cayenne同追求四驅越野性嘅福士Touareg，亦有望運港發售。但亞Mark早前曾經提及過，話向來以安全，兼近年車款設計趨時而見稱嘅瑞典富豪汽車，繼V70XC大受車迷歡迎之後，早前更落實會響今年底前，正式推出全新豪華XC90豪華四驅SUV，聽聞亦有唔少車迷向代理打聽同落訂，事關呢部全新SUV，既有齊一貫豪華轎車配搭之餘，三排七座位組合重可謂冠絕同儕，加上兩台性能突出嘅引擎組合，確實有一定瞄頭噃！據知代理正積極爭取提早到港時間，或許呢部富豪XC90大型SUV，有望年底前跟香港車迷見面㖭！