早幾日報紙娛樂版又有「Edit臣嫂」消息，講起「Edit臣嫂」唔愛着名牌，件件衫只值幾十蚊。真係唔知佢謙虛定唔知價，其實佢身上唔係裏原宿唔着，成個旺角、銅鑼灣啲𡃁妹都以佢為着衫參考對象，可被封為「女猿叔」級人馬。
娛樂圈不嬲有大班原宿迷，不過近期成班人一窩蜂玩晒Neighborhood（讀音：奶把酷），名單包括頭先提起嘅「Edit神」伉儷、陽光小子、洛仔同尊奴等等。
佢哋最鍾意着後褲袋有大字嗰款褲，其次係奶記銀器戒指，聽講銅鑼灣三號水貨王每次返貨，一定被掃一空，原來就係被娛樂圈中人買晒。
口痕友話娛樂圈中有個好出名嘅Fing頭丸拆家，𠵱家就有裏原宿水貨拆家，大家名聲一樣咁響，不過水貨拆家就合法，但講收入就不相伯仲，𠵱家想撈水貨只有埋娛樂圈堆。
主持人：大食Jack
八卦熱報：