財經分析員一向被視為優薪厚職，部份美資大經紀行嘅分析員年薪過百萬，不過現時經濟不景，特區政府財經事務及庫務局聘請研究分析員，只出得起月薪兩萬八千零七十五元。
呢個研究分析員職位睇嚟係新開嘅，相信係幫政府經濟顧問鄧廣堯做嘢，基本入職資格要有本港大學經濟系一級或二級榮譽學位，有兩年相關工作經驗者優先，但合約只得一年，表現好會有一成半約滿酬金。
八方聽聞，一些華資證券行嘅分析員月薪只有一萬多元，相信政府呢個招聘廣告可能會令佢哋心郁郁；但要撬走外資大行嘅人才唔係話咁易。話要超英趕美，講錢已經輸了一截。
傳真︰2623-9278
電郵︰