自新版平治E-Class推出以來，一直廣受用家追捧，最近廠方亦披露咗關於全新頂級跑版E55AMG嘅資料，新車不僅造型變得較原有E55AMG來得更具跑意外，引擎蓋下一台5.5公升V8Kompressor引擎，所迸發出嘅強勁馬力輸出，更教人為之心動。
新版E55AMG除裝有全車包圍外，四輪新款18吋AMG跑車合金胎軨，連車頭大型氣霸及霧燈組合，令新車望落更具有一份懾人魅力；車廂配搭雖與普通E-Class房車相近，但就備有AMG跑車座椅、雀目紋桃木裝飾等配備，不但具有跑味之餘，重帶有一份豪邁氣息。然而，新車所配用嘅一台5.5公升V8Kompressor引擎，馬力輸出高達476匹，加上扭力輸出為71.4kgm/2650-4500rpm，因而令新車有出色嘅性能表現，難怪新車0至100公里嘅加速度，需時僅為4.7秒，極速更可高達250km/h咁快啦。有興趣嘅車迷，就要留意新車嘅抵港日期喇。