噚晚喺尖沙嘴文化中心嘅「詩威德盃2002香港少年兒童鋼琴賽獲獎者音樂會」認真巴閉，呢個比賽有成千香港少年兒童參賽，內地有數百名學生出戰，加埋一千六百幾人，唔怪得劉大師咁開心，話今次係單一音樂比賽人數最多一次。
比賽分十級進行，差唔多一半人有獎攞。大師話，班少年有機會參加比賽，盡量唔好令佢哋失望。
講起主禮嘉賓就更厲害，有四十幾人，包括中聯辦王鳳超、大俠查良鏞、立法會主席范徐麗泰、全國人大費斐、王敏剛、政協余國春、中大音樂系系主任陳永華、歌唱家莫華倫、重有黃霑、黎小田等等。
劉大師成晚好忙，樣樣親力親為，壓軸好戲係大師演奏一曲。
傳真︰2623-9278
電郵︰