張栢芝與梁詠琪在合拍《絕世好B》時，被指爭寵及為戲份不和，在宣傳時有你冇我，繼早前《絕》片連續五次宣傳活動未見梁詠琪與栢芝同場出現後，昨日梁詠琪亦沒有出現。
由張栢芝、古天樂、梁詠琪（GiGi）和關之琳等主演的《絕世好B》，上映九日已有一千二百萬票房收入，該片幕前幕後工作人員昨日特地於尖沙嘴東海海鮮酒家舉行慶功宴。
早前有傳栢芝與GiGi因為爭寵及戲份問題而鬧不和，以致《絕》片之前連續五次宣傳活動，二人採取「有你冇我」態度，加上昨日只有栢芝出現，令二人的不和傳聞更甚。不過，GiGi經理人Stephenie昨日透過電話回覆說：「傳聞唔可信，GiGi因為要去台灣錄音，而之前係要去西藏探訪先至出席唔到啫。」
昨日栢芝遲了一小時才出現，她聲稱是塞車所致，而她在慶功宴上跟記者做訪問時，將一部手提攝錄機和錄音機放在枱上，栢芝說：「之前太多歪曲報道，為免有爭拗，所以錄低所有嘢，有聲有畫，有啲乜嘢問題就去片，唔使拗。」而梅艷芳早前亦試過用錄音筆錄低與記者的交談。
問栢芝對謝霆鋒暫別娛樂圈有何看法時，她說：「每個人有佢自己選擇，早排公司都有叫我放假，但我見我副『偈』run得幾順，就繼續做。我個人好冇安全感，所以𠵱家努力儲錢買樓，希望將來結婚退休之後，生活冇問題。」近日有報道指栢芝愛吃冷飯菜汁，對此她直認不諱：「係呀，我最鍾意食凍菜同瘦肉，所以keep到囉。」昨日所見，栢芝比早陣子肥了少許。
採訪：何永寧
攝影：何國豪