鮮牛復供應零售價不變

【本報訊】鮮牛肉今日恢復供應，活牛批發價較平日貴兩至三成，但零售價則維持不變。
牛肉批發商五豐行昨晨再與九龍牛羊業商會談判，最後雙方達成共識，五豐行承諾恢復平日每天一百三十隻左右的供應。

「休市唔見幾千銀」
上水屠房昨凌晨只有豬隻供應，沒有活牛，因為牛肉販商不滿五豐行近日減少供應而拒絕入貨一天。昨日街市上應市的鮮牛，都是前日的存貨。
長沙灣街市肉檔東主楊先生雖然仍有開檔，但只是售賣前日的貨尾，由於市民知道不是「即日鮮」，所以不大幫襯。楊先生說：「休市一日唔見幾千銀，不過我哋一樣咁支持罷市行動，目的係畀五豐行一個訊息，唔可以無理減少供應。」

「同政府講都冇用」
九龍牛羊業商會與五豐行達成共識，今日恢復牛肉供應。商會主席葉紹基指出，雖然糾紛已獲解決，但五豐行壟斷活牛進口，難保仍有類似事件發生。他強調，九七年前港人每日吃掉四、五百隻活牛，近年市道不好，減至一百二十至一百三十隻。
政府對今次事件表示關注，但葉紹基不打算向政府反映，他強調：「同政府講都冇用，董建華講咗八萬五都唔算數，佢哋啲人言而無信！」