男友借尿遁送蛋糕
陳嘉容生日唔敢諗結婚

名模陳嘉容昨日生日，其男友RickyKwok要到外地工作，故二人拍拖四年以來首次不能共度生辰。但Ricky前晚搭正零時，故意表示要上廁所，實則是送上生日蛋糕給女友。拍拖雖甜蜜，但伊人表示不敢想結婚。

名模陳嘉容、李嘉慧、周汶錡及歐陽妙芝昨日與歌手王秀琳（Mango）及周永恆往康怡廣場，出席「青春大晒冷夏日花生騷」活動。昨日是陳嘉容的生日，她撒嬌表示與男友RickyKwok拍拖四年，今年首次不能共度生辰。

與家人食飯慶祝
陳嘉容說：「Ricky去咗海南島做嘢，我今晚（昨晚）就會同家姐同媽咪食飯，如無意外應該會收到媽咪送嘅大利是。我重未收到男友送嘅生日禮物，不過佢都幾有心思，前晚凌晨搭正我生日嗰刻，我見佢都重係冇乜表示，重話要去廁所㖭！點知原來佢係以去廁所做藉口，其實係去廚房攞咗個一早預備好嘅蛋糕出嚟，畀咗個驚喜我。」
問陳嘉容男友如此細心，又痛錫她，兩人有否結婚的打算？她說：「暫時都冇諗結婚，因為一諗到結婚，我就會諗到生仔、教仔兼收身呢啲問題，真係諗起都驚呀。」

李嘉慧豬籠入水
而李嘉慧則是名副其實的財星高照，因為她數年前拍的金莎朱古力廣告，一直為人津津樂道，印象深刻。
最近李嘉慧更獲金莎與她簽新合約，不用拍攝新一輯廣告，但重新播放由她演出的廣告片她已獲六位數字的酬勞。