好多人鍾意自己買藥材煲湯，但如果不清楚藥性胡亂配搭的話，隨時未有理想效果之餘重可能有危險，所以最好都係搵專人指點。位於黃埔花園的中藥城便是一間有中醫駐店的大型中藥店，店內還設有一間提供各種藥膳小菜同補湯的食館，最適合一些想食得滋補又唔識煮的人！
記者：黃婉冰 攝影：黃子偉
人參仔來自桂林，細細條但一樣甘，參仔要先蒸才能夠帶出參味，然後再放在魚面蒸熟，甘香人參味滲入魚肉，食完補氣兼滋陰養顏。
阿膠有補血、養陰、養顏、治腰痛作用，除燉湯外，用來炮製小菜同樣有效。阿膠味帶甘香，用來煮汁，淋在炸得香脆的銀鱈魚扒上，鋪上杞子，就成了一道既補身又創新的菜式。
呢款為男士度身訂做嘅補湯，聽個名就知係好嘢，用新鮮牛鞭、巴戟、杜仲、牛七、杞子、瘦肉等多種藥材燉上四個鐘頭，雖然黑黝黝，但有補腎壯陽同活血養顏作用。
電話：23638862
地址：黃埔花園第七期地下中藥城