法輪功學員真係無處不在，民建聯噚日舉辦咗個就業高峯會，邀請好多高官、商家、工會代表同市民出席，度吓有乜計救救失業人士。喺現場，八方見到一名年約三十至四十歲嘅女士，出出入入，不停咁問啲嘉賓攞卡片同電郵地址，其中包括有經濟發展及勞工局局長葉澍堃同行政會議成員鄭耀棠。
八方最初都以為呢位婦女只係啲熱心嘅市民，但問清楚，原來佢叫Fiona程，係個法輪功學員，噚日嚟參加高峯會嘅目的係為日後弘揚法輪功鋪路。鄭行會同八方講，呢位女士根本無向佢表露身份，所以一直都唔知佢係法輪功學員，結果就畀咗工聯會個電話佢。前一陣，八方好多同事都領教過法輪功排山倒海式嘅電話電郵攻勢，葉局長同鄭行會矇查查咁就畀咗個電話人，相信都有排煩囉！
（圖）法輪功學員Fiona程（左）踩場，問鄭行會（右）攞電話同電郵地址。
傳真︰2623-9278
電郵︰