辰達永安副主席陳若磐向有「姐仔殺手」的稱號，因其和不少電視台藝員傳過緋聞，年前陳淑蘭因為在辰達打工而和他傳過緋聞。去年十一月則被撞破和無綫藝員葉璇拍拖，今年年初有傳和任港秀過從甚密。而最新鮮熱辣的來往對象，是和無綫藝員陳穎妍，據知兩人是今年初經娛樂圈中人介認認識，上月中更給傳媒影到兩人在灣仔酒店出現。
昨日記者就陳若磐被追債十億一事，以電話聯絡上他的多位緋聞女友，眾人齊聲表示和陳若磐很少聯絡，陳穎妍說：「我同佢好少聯絡，亦唔知佢係咪有經濟問題，大家只係朋友，呢啲嘢唔會問佢。平時都係一大班朋友聚會，唔會刻意問佢私事。」葉璇說：「人哋私人嘢我唔係咁清楚，我哋好耐冇聯絡，亦唔想亂畀意見。」任港秀說：「我哋冇聯絡，佢欠債嘅嘢我亦都唔方便講。」
而和陳若磐相識較長時間的陳淑蘭則說：「我喺佢公司打過工，呢條數對佢哋做生意人嚟講可能唔係太大，街外人先覺得大，𠵱家咁嘅市道，梗係會有上落，佢哋應該有方法解決，咁大筆數，我梗係幫唔到，但始終朋友一場，希望佢件事快啲解決。」
本報記者