民建聯嘅立法會議員蔡素玉一向注重環保，行到邊都同人講環保，噚日佢喺就業高峯會上保持一貫本色，提出一套可以創造一萬職位嘅環保工業大計，重喺會上舉住個環保貨袋講到眉飛色舞。
對於佢呢套「嘔心瀝血之作」，身為環保師姐級嘅廖秀冬局長同佢同聲同氣，梗係豎起手指公，大讚小師妹建議值得考慮，話希望可以盡快上馬，點知坐喺旁邊嘅經濟發展及勞工局局長葉澍堃就口不擇言，大叫一聲：「原來蔡議員係垃圾嘅專家！」搞到哄堂大笑。
（圖）蔡素玉舉住個環保貨袋講到眉飛色舞。
傳真︰2623-9278
電郵︰