阿松前晚喺官邸搞咗個小型party，慶祝嬌妻結婚之後第一個生日，阿松同霞女唱K唱到深夜，同場重有三兩個小伏嘅多年閨中密友。不過前晚喺阿松屋企門口嘅一班記者就慘咯，餵咗成晚蚊，都冇辦法見到女主角一面，只係喺夜晚七點幾，見到一架四驅車載住兩女一男，拉低晒窗簾神神秘秘咁駛入官邸。
八方照抄低嘅車牌號碼調查，發現嗰架車係阿松同前妻譚淑芬以前開嗰間公司DragonSkyLtd.名義登記，不過譚淑芬在阿松再婚之前已經辭退董事職務。
睇嚟呢部過氣嘅「愛妻號」四驅車，已成為新女主人嘅御用座駕囉。
（圖）阿松的四驅車前晚接載神秘客人入官邸時，被大批記者包圍拍照。
傳真︰2623-9278
電郵︰