蘇永康前晚往會展出席《新城許志安好友前程音樂會》，雖然同場還有陳慧珊和雷有暉等嘉賓，但焦點始終落在康仔身上。
當安仔介紹好友康仔上台合唱時，全場掌聲雷動，兩人唱完《愛你》後，又互相擁抱和撫摸，足見二人友情深厚。康仔在台上說：「Hello！我返嚟啦！」引來台下又一陣掌聲。
雖然風頭被康仔搶去，但安仔事後向記者說：「我好願意俾佢搶風頭，佢係我最有型嘅朋友，到十一月我會正式開個唱，到時我會唱《唯獨你是不可取替》呢首歌，因為每次演唱會我都會唱。」但問到會否與鄭秀文合唱此歌時，安仔就避而不答。
而康仔對自己前晚出場獲得如此好的反應，他高興地說：「頭先我行出嚟之前，覺得自己好似跳欄咁，一步步咁跳，首先係面對台灣傳媒同觀眾，然後係香港傳媒同香港觀眾。今日我去拜過老竇，想話畀佢知我返咗嚟，我重話畀佢知，我今晚會上台表演，希望佢賜我勇氣同智慧。」康仔在音樂會結束後，往中環的翠華茶餐廳買外賣回家享用。