昨日有報道指杜琪峰欲開拍新戲《向左走向右走》，女主角屬意王菲、陳慧琳、梁詠琪和孫燕姿其中一位，男主角則在金城武及古天樂中二選一。
據悉杜琪峰最希望以王菲配搭金城武，但因王菲最近專注錄唱片，雖有荷李活片商斟洽她，都因檔期問題未落實，杜琪峰新戲更因談不攏而不了了之。
昨日王菲經理人邱王黎寬在電話中說：「四選一？你估選香港小姐呀？杜生唔使咁頭痛啦，畀佢三選一咪得囉，王菲唔得閒拍呀！」
孫燕姿所屬華納唱片高層陳澤杉也在電話中說：「多謝杜導演賞識，亦歡迎導演搵孫燕姿拍戲，不過如果未傾過就唔好講出嚟，費事大家攞artist比較，生是非呀。」陳慧琳經理人鍾珍說：「我啱啱由內地返嚟，冇傾過喎，杜琪峰一路有話搵Kelly（陳慧琳）合作，但未傾話邊部戲。」