上年隻《MetalGearSolid2》，好多人都埋怨唔可以全程遊戲用Snake玩，加上又冇VRTraining模式，玩落硬係覺得少咁啲嘢！所以𠵱家好多Snake迷，都非常寄望年底隻加強版推出。
如果你覺得4個月時間太長，實在等唔切，咁Konami嚟緊喺9月12曰推出嘅完全資料片《THEDOCUMENTOFMETALGEARSOLID2》，就絕對係你必買之作；裏面除咗收錄了《MGS2》嘅製作片段之外，佢重會補番大家失去咗嘅VRTraining模式，相信咁樣大家冇投訴啦！
另外，同期重有一隻《METALGEARSOLID2SONSOFLIBERTY》嘅廉價版推出，至於價錢方面，兩者定價皆為2,980日圓（約港幣$195）。
經過之前GBA同PS兩隻失望之作後，新一集足球小將《黃金世代之挑戰》，將會喺9月12日推出發售。
今集遊戲主角將會由玩家設定嘅原創角色所擔當，遊戲最特別之處，係呢名原創角色將可學晒戴志偉、三杉淳、小志強……等等嘅絕招；至於遊戲形式，將會係育成+AVG嘅混合體，遊戲定價為6,800日圓（約港幣$440）。
XBOX機主喺今個暑假都幾慘，事關推出新Game嘅數目，真係少到10隻手指數得晒！
不過相信XBOX嘅出Game情況，嚟緊將會有所改善啦！事關PS2Online將會喺9月份在北美方面推出服務，所以微軟都預備要發招。
根據最新遊戲推出日程安排，XBOX好多主力大作遊戲都會喺下半年推出，好似喺嚟緊嘅9月份，就分別有《Marcross超時空要塞》、《鐵騎》同《SegaGT2002》登場。當中大家特別要留意隻《Marcross超時空要塞》，因為將會有特別版推出，XBOX機主一定要昅實！