董內閣中，最「唔富貴」嘅睇怕都係工聯會會長鄭耀棠。前排睇佢份利益申報，棠哥報咗大陸一層樓，香港海怡半島一層，但係租咗出去。坊間唔少人笑言，咁棠哥住喺邊？
棠哥話佢其實租咗間細啲、平啲嘅屋，自己間大屋租出去，賺番啲租金差價，有成六、七千蚊。而大陸層樓，棠哥話買咗五十幾萬，每個月都返去一次小休。
棠哥近來諗咗一條好橋，就係成立一個以合作社形式運作嘅樂群社會服務處，幫下班失業大軍。除咗幫啲三行工人搵吓嘢做之外，𠲖家重搞緊個月餅計劃，搵咗個本地老字號餅家以較平價錢提供月餅，然後請班婦女幫手摺盒、入盒、處理定單。
棠哥話，佢哋專攻低下階層，希望相互合作。至於錢方面，棠哥話遲啲搞好個計劃，就會問政府申請資助。
（圖）鄭耀棠一個月返一次大陸。
傳真︰2623-9278
電郵︰