有立法會議員形容大型超級市場為「惡爺」，正當商人即使備受「欺凌」，卻敢怒不敢言。不少供應商昨日向記者大吐苦水的同時，驚恐之情仍溢於言表，且多番叮囑要為他們隱藏身份，以免遭到「報復」。
一名超市供應商昨日接受電話訪問時，表現得甚為驚慌，四十分鐘的訪問過程中，多次着記者不要披露其名字，連姓氏也不能見報，「我驚一寫出嚟佢哋（超市）會查到我係邊個，咁就好麻煩！」至於供應貨品的細節，更是半句也不允披露。
「佢哋知道咗會向我哋報復，咁就死啦！」她透露，超市的報復絕招，是將他們供應的貨品，自動提高價錢，「如果唔將我哋嘅貨減價，唔做promotion（推廣），重加埋價，就無人買我哋啲貨！」以她經驗所得，減價與非減價貨品的銷售額相差達四至五成，若超市擅自將某類貨品加價，便是變相將它們「打入冷宮」。
受訪者又稱，超市向他們徵收多項額外費用時，如他們不付，常以「除名」作恐嚇，「如果唔想畀，佢哋就會話唔同你入貨，即係唔使你做供應商，生意都無得做，你話畀唔畀？」
唯一敢於「拋頭露面」的是香港供應商協會會長李廣林，但他在接受訪問時亦多次強調，其身份是「協會代表」，「我講呢啲嘢係代表個會，因為收到好多投訴先咁講，我唔想講自己嘅情況，你估唔想做生意呀？」
本報記者