煲呔曾噚日同記者講，香港出現好大嘅人口問題，香港女仔唔肯生仔，平均每個適齡生育嘅女仔，只肯生零點九個，距離目標二點一個差一半。八方唔知係咪因為家計會嘅宣傳太有效，兼且過晒龍，𠵱家睇嚟補救方法不外幾樣，一係就學新加坡，鼓勵大學生生仔，生一個有獎金，或者好似當年加拿大魁北克省咁，生仔逐個有獎金加，生到某個數目，政府重會批塊地畀你起屋，總之多多益善，少少無拘。
八方就建議阿松帶頭，起碼生番一隊足球隊，咁先可以向董生嘅人口政策有交代。如果煲呔肯制，第一個送車，第二個送樓，都有得諗嘅。
（圖）睇嚟阿松要同太太伏明霞生一隊足球隊先可以向董生交代。
傳真︰2623-9278
電郵︰