張文慈籌備開設拳館，她正準備用一個月時間操弗自己，並以電影《盜墓者羅拉》女主角荷李活巨星安琪蓮娜祖莉（AngelinaJolie）的身材為目標，實行做拳館的生招牌。
張文慈（Pinky）近日除了主力在內地登台賺錢外，亦積極武裝自己，當務之急是要操弗自己，所以她每天都勤做運動。Pinky玩的運動亦相當多樣化，除玩了超過一年的拳擊外，還有打網球和滑水等。Pinky表示其拳術打得不錯，而網球亦不弱。
自從Pinky愛上打拳後，結識了一班同道中人，最近有位拳友就邀請她合資開拳館，而Pinky對這項投資亦相當感興趣。Pinky說：「搵我搞拳館個朋友喺我啱啱打拳時就識得，雖然就算我有份投資都只係小股東，不過我都好有興趣，因為我真係好鍾意打拳，但係學費唔平，如果自己做咗老闆就化算得多，而且我哋會針對番女性市場，我諗住自己做拳館生招牌。」
為了要達到目標，她正秘密練兵，Pinky說：「我個願望係用一個月時間，炮製另一個張文慈出嚟畀大家睇，要做到好似《盜墓者羅拉》個女主角咁好身材，但我唔係講個胸，我𠵱家日日舉啞鈴，要玩到有老鼠仔，咁樣去做拳館個生招牌先夠晒說服力。」
採訪：魯萍 攝影：陳偉權