喜歡吃日本料理的朋友，定知道鯨龍魚剌身十分昂貴，每碟只得幾塊已經過百蚊。但如今深圳大鵬灣休閒漁莊因成功養殖鯨龍魚，繁殖量多，售價自然平得多，甚至有旅行社推出鯨龍宴，歎齊11款餸菜兼參觀龍岩古寺、大亞灣核電廠等，都只是?88咋！
記者：梁煒
攝影：韋信
ImageGirl：林曉惠
鳴謝：四海旅遊
雖然漁莊附設釣魚場以供作樂，但為了保持生態環境，釣得的魚需要放生，或選擇購買。
收費：
?30（釣到的魚一定要以市價購買）
?98（釣魚者可選擇買與不買）
漁莊簡介
坐落於深圳大鵬鎮水頭村的大鵬休閒漁莊，是中國水產學會休閒養殖示範基地，佔地600畝，是一個結合養殖業與旅遊服務業的地方。漁莊主要業務是孵化及養殖珍貴的龍躉魚及鯨龍魚，為國內養殖戶提供魚苗及技術支援。
鯨龍魚活動能力極強，由早到晚都游個不停，肉質自然肥美鮮甜；而且如三文魚一樣，魚肉含不飽和脂肪酸，有效降低膽固醇。另外，鯨龍魚又有DHA、EPA及ANSERINE，能增強記憶、保護視力、降血脂血壓、保護大腦心臟，及抗衰老等，食法逾80多種。
鯨龍魚以魚生食法最有營養，肉質特別爽口嫩滑，由於要用8斤以上的鯨龍魚才夠10人享用，所以這味刺身若在香港品嘗則非常昂貴，即使在此散叫，亦需?48一斤另加?50加工費。
以鯨龍魚肉、金菇、甘笋及少許沙律醬作卷內餡料，再以麵粉包裹着一齊落鑊油炸至金黃色，十分香口惹味。
選用魚鰭及魚尾來製的鯨龍翅，紅燒後再以特製鯨龍汁來煨，特別滋味。
除了鯨龍魚外，這處出產的紫菜亦鼎鼎有名。將兩種最出名的特產煮湯，先將鯨龍魚以上湯熬熟，再以慢火烹調湯底約8小時，此時紫菜湯清淡，魚片則更鮮更入味。
XO醬除了有鯨龍魚肉碎外，更由蝦乾、江瑤柱、火腿、指天椒、蒜茸及植物油等製成，少辣有營養，拌冷麵一齊食，零舍不同。
每樽?38
大鵬休閒漁莊
電話：（755）84314888
地址：深圳市大鵬鎮水頭村
時間：早上10:00至晚上10:00
交通：由羅湖關口乘的士至漁莊，車程約70分鐘，車費約?160
跟團最着數
家陣有旅行團大搞「極品鯨龍宴一天遊」，重去埋龍岩古寺、大亞灣核電廠觀景台同養生茶莊，團費低至?88一位，於羅湖關口集合，真係跟團最着數。
團費：
$88（星期一至五）
$108（星期六/日）
查詢：22007944（四海旅遊）
註：導遊司機領隊小費每天?45