起屋要用甚麼材料？木板、鋼筋、水泥、磚塊……統統不是，我們用威化餅、麵包來做外牆及窗戶，靠花生醬、朱古力醬及果醬來把所有材料黏合，製造出一間吃得下肚的豪宅。
記者：為食貓
攝影：積木哥哥
1號大屋：
靚屋推介：我用士多啤梨果醬將所有威化餅黏實，三房兩廳，有兩支煙囪。位處山頂，背後有無敵大海景，前面有青翠山景，風涼水冷。
有幾值錢：我唔賣㗎，留番嚟同我啲同學仔、屋企人一齊住。
2號大屋：
靚屋推介：全屋包括家具都用糖做，所以甜到膩，最大特色係有四部電視，一部用嚟睇電視、一部睇VCD、一部睇錄影帶、一部打機。咪睇間屋雜草叢生，其實內藏多部閉路電視，每次入屋都要過三關，要輸入密碼先至可以入屋㗎！
有幾值錢：$4,500
3號大屋：
靚屋推介：用自己個英文名命名，間屋有落地大玻璃窗，陽光可以照入嚟，又可以望到個好大嘅花園。花園附設私家泳池，屋頂有射燈夠光猛。屋內有50部電視、100個大廳，夠勁啩！
有幾值錢：$100萬
4號大屋：
靚屋推介：我間屋啡白間，上面有兩個蘑菇煙囪，屋頂有通風設備。一打開窗就可以見到遼闊山景，花園有兩棵樹同好多好多花，屋頂又夠七彩繽紛。
有幾值錢：多多錢都唔賣，我要畀Daddy、Mummy、同學、親戚一齊住。
為食貓姐姐一時技癢（其實為食），邊介紹起屋用料，邊給小蘋果會員來個示範單位。
材料：