被視為貴族跑車嘅積架XK車系，廠方最近為其推出升級改良版，外形雖然變化不大，但增大容積嘅引擎配搭，以及新增有多項安全設備，因而令新車變得更富吸引力。
新版積架XK嘅Coupe及開篷跑車版，造型看似雖沒有多大改變，只係一組頭燈改換上Xenon配搭，同埋用上新款車身廠徽等等，但整體輪廓與現有型號一樣來得甚具跑味；另外，廠方更為用家提供三款全新嘅胎軨配搭，以切合不同口味。車廂布局亦略作修改，除備有多款顏色及一系列裝備供選擇外，廠方為增強行車安全及穩定性，更為新版XK車系，加有CATS及A.R.T.S.等系統㖭。
然而，XK8所採用嘅一台4.2公升V8引擎，馬力輸出達300匹，而XKR所配用嘅4.2公升V8Supercharged引擎，馬力更高達400匹。無論起跑抑或加速，都有不俗嘅表現；有興趣嘅車迷，就要密切留意新車嘅到港日期喇。