港台節目《與CEO對話》最近訪問因醫院浪費救命肝事件，頭都大晒嘅醫管局行政總裁何兆煒。何醫生自爆話以前一直覺得自己好頂得壓力唔會病，一到正式宣布醫管局任命，竟然大病一場，唔知係咪個天特登試驗吓佢呢？何兆煒感歎病人就好似「客仔」，以前醫生大晒叻晒，掌握所有資訊，𠵱家有互聯網，病人隨時可以上網搜集資訊，醫生就更加要識同病人溝通，先做到「客仔」生意。
CEO都要再培訓？何兆煒話由醫生轉行做CEO，乜都要由頭學起，連法律課程都要讀。四十歲就做CEO，最難係乜？當然係要服眾，因為好多以前高級過佢嘅醫生，𠵱家變晒佢下屬。
傳真︰2623-9278
電郵︰