無綫小生陳豪近日為朋友投資的髮型屋義務拍攝了一輯宣傳照，一位打扮性感的女模特兒更躺在陳豪的大腿上，豔福不淺。陳豪表示很重視自己的髮型，更勇於嘗試各種不同髮型，他認為若髮型配合，會令人顯得神采飛揚。
陳豪最近為由朋友投資、位於中環蘭桂坊的髮型屋HAIRSIXTYONE拍攝宣傳硬照，陳豪日前更駕駛其萬事得MX5座駕到該髮型屋，由髮型師Erin為他整理頭髮。
陳豪為髮型屋拍攝宣傳硬照，他坐在梳化上，一名性感的模特兒躺在他的大腿上，可謂豔福無邊。陳豪表示這次是純粹義務性質幫朋友，他日前說：「我同嗰位朋友識咗好耐，幫到咪幫吓囉！」
問陳豪平時最喜歡甚麼髮型？他說：「長短都好，其實我好鍾意多變化嘅髮型，不過短髮就可以精神啲，而且我即將為無綫新劇《回到未發時》開工，所以短期內我嘅髮型都唔可以太古靈精怪。」陳豪認為做髮型模特兒的工作很好玩，他說：「因為髮型好緊要，一個適合嘅髮型可以令人神采飛揚。」
此外，陳豪將在無綫新劇《回到未發時》中飾演律師，他說：「我演嗰個角色專為人打離婚官司，重好花弗。」陳豪演繹律師角色時，可會以謝偉俊的舉手投足作參考？他說：「我平時好少睇娛樂新聞，都唔係好清楚佢嘅嘢。」
採訪：比華利