香港地周圍都係石屎森林，平日見到最多嘅昆蟲就只得小強，想搵隻蝴蝶、蜜蜂仔睇吓都唔係咁易。不過到中山藍天蜂蜜園的話，除了可以欣賞數以萬計蜜蜂的生活狀況外，亦可了解蜂蜜的製作過程，絕對係適合一家大細去玩的好地方。
記者：劉耀 攝影：CarlZeiss
Model：Kimmi
如果想去多兩個地方，又想有人幫你安排晒，可以參加「中山蜂之谷兩天團」（CZPA02DL），費用$433起，包括夏威夷Spa、軍事國防實戰基地入場券及碼頭稅。
查詢：27322888
（新華旅遊）
蜜蜂除了牠的蜂蜜可以食用外，原來蜜蜂針亦可以有醫療效果，所以「藍天蜂蜜園」就有專人利用蜜蜂替人治病，只要將蜜蜂尾部的針直接刺在適當穴道，利用蜂針的毒素及針灸原理，就可以達到醫療效果，效果比純針灸更加有效。
蜂療可醫治多種疾病，包括鼻敏感、骨痛、網球手、骨刺及痔瘡等，費用方面更是全免，據負責人表示，免費蜂療已經推行了5年，現時亦有不少港澳人士前來求診。
距離中山市約半小時車程的「藍天蜂蜜園」，早在94年已開始經營養殖蜜蜂場，今年7月才搬到現址，整個蜂蜜園面積達27畝，蜂箱更達數百個之多，所有蜜蜂都屬中華蜂，與香港的意大利蜂不同，每個蜂箱內接近有上千隻蜜蜂，包括蜂后、工蜂及雄蜂，全部各司其職。
工蜂每日就負責飛到花朵中採蜜，雄蜂就與蜂后交配。每年春季都屬蜜蜂的交配期，蜂后一分鐘可生產10隻蜂卵，每年就生產約有3萬幾隻小蜜蜂。
買蜂蜜當然愈純正就愈值錢，不過市面上有數百種蜂蜜，品質參差，甚至有無良商人溝入其他物品以減輕成本，所以懂得分真假蜂蜜最重要。
將少許蜂蜜放在鐵片上加熱，冷卻後，若蜂蜜呈軟狀即正式蜂蜜，呈硬狀則表示已溝入蔗糖了。
用清水溝勻蜂蜜後，加入酒精，若有白色絮狀物則表示溝有飴糖，若只是混濁則是純正蜂蜜。
只需用筷子放入蜂蜜中，然後馬上拔出筷子，若蜂蜜不能附在筷子上，就表示蜂蜜已經溝水了。
地址：中山市東區城桂公路苗圃場
電話：（760）8334715
交通：從香港乘船到中山港，轉乘的士約30分鐘，費用約?70
時間：早上7:30至晚上7:30
費用：免費入場