有翻版張可頤之稱的無綫小花楊怡，最近獲Deko'z時裝連鎖店邀任代言人。楊怡日前與一名外國女孩一同拍攝秋冬裝的平面廣告，當日影了十小時相，她除穩袋六位數字酬勞外，更獲廣告商贊助一世靚衫。
二十二歲無綫小花楊怡，最近獲Deko'z服裝店邀請，擔任該店中、港、澳三地的代言人。Deko'z看中楊怡夠年輕，有新鮮感，故以六位數字與她簽約，同時楊怡更獲廣告商贊助一世服裝。
Deko'z以前多用外籍模特兒拍廣告，今年Deko'z首次邀請本港藝人做代言人。日前楊怡在柴灣一間影樓拍攝新一輯秋冬服裝平面廣告。廣告商亦專誠請來外國女仔與楊怡拍檔，以顯出東方和西方女性都適宜穿該品牌的服裝。
楊怡今次拍廣告只需工作一天，當日她在影樓拍了約十小時照，前後穿上十多套秋冬衣服，其中包括毛帽、長頸巾和厚外套等，幸好影樓冷氣夠大，楊怡才沒有熱到出汗。對於首次拍攝服裝廣告，楊怡日前在電話中說：「嗰日拍嘢都好順利，但第一次拍服裝廣告，都有少少壓力，前嗰晚我重有啲瞓唔着，第二日起身我有做眼部面膜，費事黑眼圈現咗出嚟。」
楊怡又笑說：「同我一齊拍嘢個鬼妹，我都係嗰日至識，所以大家比較少溝通。佢好靜，我覺得嗰日拍嘢都OK，唔算辛苦，係一個幾好嘅經驗。」問楊怡滿不滿意酬勞？楊怡笑說：「梗係滿意啦，我又唔係要架法拉利，但自己鍾意嘅嘢，我都夠錢買嘅。」
採訪：朱芷瑩